Rregullat e komunitetit Fiesta

Fiesta është vendi për takime të ndershme. Qëllimi ynë është të krijojmë një hapësirë ku të gjithë mund të jenë të vërtetë për atë që janë dhe atë që kërkojnë. Duam që të gjithë të shijojnë udhëtimin e tyrë në Fiesta dhe ta përdorin platformën tonë në mënyrë të sigurt dhe të përgjegjshme. Për t'u siguruar që kjo i përfshin të gjithë, kemi disa rregulla që duhen ndjekur.

Trego origjinalitet

Të lutemi tregohu i ndershëm për atë që je. Shpresojmë të njohësh persona offline përmes Fiesta, prandaj duhet të përdorësh emrin, fotografinë dhe të dhënat e tua të vërteta në profilin tënd. Të rekomandojmë të përdorësh vërtetimin me fotografi për t'ju treguar përdoruesve të tjerë që profili yt është i vërtetë, sapo ta përfundosh mund të zgjedhësh edhe t'ju shfaqesh vetëm personave me profil të vërtetuar ✅

Ne nuk lejojmë llogari të përbashkëta. E dimë që të gjitha marrëdhëniet janë unike, nuk mund të kesh llogari të përbashkët në Fiesta apo si grup me partnerë apo miq. Jemi vendi i duhur ku mund të eksplorsh veten tënde si person unik dhe origjinal.

Përdor shërbimet tona! Kemi shumë të disponueshme në aplikacion dhe në web për t'u siguruar që bisedat e tua janë ✨. Të lutemi mos kopjo të njëjtin mesazh e t'ja dërgosh të gjithë personave që të pëlqejnë, merr kohën e duhur për të zbuluar çfarë pëlqejnë duke lexuar pyetjet në profil apo duke përdorur fjalitë tona hapëse për të thyer akullin. Mund të zbulosh se jeni të dy Binjakët dhe pëlqeni të hani pica në shtrat të dielave në mëngjes, na falendero më vonë.

Trego respekt

Përpiqemi të jemi sa më gjithëpërfshirës, në gjithçka që bëjmë. Kërkojmë që edhe ti të bësh të njëjtën gjë, nëse nuk do e thoje diçka në jetën e vërtetë, atëherë te lutemi mos e bëj as online.

Kemi një politikë me tolerancë zero ndaj shprehjes së urrejtjes. Kjo pērfshin të gjitha materialet që shprehin çfarëdo lloj forme diskriminimi; duke përfshirë (por jo vetëm) ato me bazë racore, etnike, besimi, aftësie, identiteti gjinor, moshe, origjine kombëtare, orientimi seksual apo çdo gjë tjetër që fyen në mënyrë direkte një anëtar të një komuniteti të veçantë. Nëse profili yt apo mesazhet në bisedat e tua shprehin këtë në ndonjë mënyrë, do ta fshijmë llogarinë tuaj në mënyrë të përhershme. Teksa të inkurajojmë të jesh sa më i ndershëm në atë që do, të lutemi mos përdor gjuhë përjashtuese në profilin tënd. Mirësia është çelësi 💜

Qëndro i sigurt

Siguria jote ka rëndësi maksimale për ne. Të lutemi mos shkruaj mbiemrin, numrin e telefonit, adresën e punës apo të shtëpisë, emailin apo detajet e llogarive sociale askund në profilin tënd publik. Kur flet me dikë të ri, të rekomandojmë t'i mbash bisedat e tua në aplikacion apo site ku kemi proçese që të ndihmojnë të jesh i sigurt. Mund të lexosh më shumë këshilla sigurie këtu.

Rregullat e fotografive

Fotografitë që tregojnë qartë kush je, e bëjnë profilin më interesant. Sigurohu që fotografitë që ngarkon nuk:

  • Promovojnë dikë nën moshën 18 vjeç
  • Fshehin fytyrën
  • Kanë logo, të drejta autori, tekst apo modifikim të shumtë
  • Përmbajnë pornografi apo përmbajtje eksplicite
  • Përdorin persona apo të famshëm që nuk janë ti (vetëm nëse je vërtet Beyoncé)
  • Shfaqin asnjë përmbajtje të paligjshme, të dhunshme apo fyese

Rregullat e Fiesta Live

Duam që Fiesta Live të jetë një hapësirë e sigurt për të krijuar lidhje të vërteta në kohë reale. Kemi disa rregulla që duam të kesh parasysh kur hyn në shfaqje live ose komenton në Fiesta Live.

Shfaqjet live:

Përdorimi i Fiesta Live do të thotë që do të shfaqesh me audio dhe video, prandaj tregohu i kujdesshëm me ambientin rrethues. Nëse ti po argëtohesh, edhe shikuesit e tu po argëtohen!

  • Mos i jep makinës gjatë shfaqjeve live
  • Fiesta është platformë 18+ dhe nuk lejohet të shfaqësh persona nën këtë moshë në live
  • Të gjithë janë të mirë pritur, por duhet të jesh i veshur plotësisht
  • Përmbajtjet e dhunshme, nxitjet e urrejtjes apo materialet fyese nuk do të lejohen; duke përfshirë përdorimin e drogërave, armëve të dhunshme, gjuhë kërcënuese apo aktivitete të paligjshme
  • Jo fjalime urrejtjeje apo ngacmime. Kjo përfshin të gjitha format e diskriminimit, duke përfshirë racizmin, sulmet ndaj komunitetit LGTQ+ dhe çdo gjë që mund të konsiderohet e papërshtatshme apo shfaq urrejtje ndaj përdoruesve tanë
  • Mos u përpiq të shesësh apo reklamosh produkte apo shërime në Fiesta
  • Mos e përdor Fiesta Live për të abuzuar, manipuluar apo mashtruar të tjerët

Komentet:

  • Live është për argëtim. Mos e prish eksperiencën duke dërguar spam në seksionin e komenteve.
  • Respekto personin në shfaqje live dhe të gjithë në komunitetin tonë, dhe mos u trego i pasjellshëm apo ofendues ndaj të tjerëve.

Duam që të përjetosh eksperiencën e plotë të Fiesta e të shprehësh veten lirisht duke eksploruar atë çfarë do, pa ndikuar negativisht tek të tjerët.

Nëse nuk i respekton këto rregulla apo Zotimin e Ndershmërisë, mund të na duhet të fshijmë përfundimisht llogarinë tënde Fiesta (nuk ka rëndësi nëse veprimet e tua ndodhin online apo offline). Jemi krenarë që jemi një nga komunitetet më të mëdhaja e gjithnjë në rritje në botën e takimeve online, dhe shpresojmë të shijosh të qënurit pjesë e tij :)